Alam kong hindi ako si Hergis
Ngunit nais kong limutin ang tamis
Ngalan mo'y lagi pa ring sinasambit
Sa palagi'y nagugunita ang mga bakit
Higit lalong hindi ako si Klaudio
Kaya't ipagtatapat kong ikaw pa rin ang isinisigaw ng puso
Hindi ako mandirigma ng Ludo
Bathala, pagbigyang pagkakataong ilaban ito hanggang dulo
Hindi ako si Hergis
Ngunit nais ko ring matapos na ang pagtangis
Pakiusap, Ding, ang nasa ulo ko'y pindutin
Upang malimot ang buwig ng alaala natin.
Walang komento:
Mag-post ng isang Komento