Ito na ang huling tula
Kargada ng mga mabibigat na linya
Tama na ang pagluha ng tinta
Tama na , nakikiusap ako
Tama na - hanapin mo na muna ang sarili mo
Pakiusap , tama na ang pakikipaglaro
Tama na ang pagtaya mo ng puso sa mga bagay na hindi ka pa sigurado
Pakiusap - dalhin mo siya sa buwan tulad ng sa aki'y pinangako mo
Kahit masalimuot ang dulo ng kwento
Nagpapasalamat pa rin ako sa tadhana sa kanyang pagbibiro
Mahal , pagod nang lumuha ng tinta ang mga mata ko
Ito na ang huling tula , nakikiusap ako.
Walang komento:
Mag-post ng isang Komento